Siglir tar il cuntegn

Header

cuntegn

Gruppaziuns extremisticas Giuvna PPS sa distanziescha da «Junge Tat»

Ils ultims dis ed emnas ha la rapportaziun mediala davart la Giuvna partida populara svizra e sia eventuala vischinanza e simpatias envers la gruppaziun extremista da dretga «Junge Tat» procurà per agitaziun.

Pliras secziuns da la Giuvna partida populara svizra sa distanzieschan da gruppaziuns extremisticas. Suttascrit la communicaziun ha era la partida giuvna da la PPS Grischun, quai sper secziuns chantunalas da Schaffusa, Turgovia, Soloturn, Basilea-Citad e Säntis.

Deplorà vegn che la partida giuvna svizra e ses nov president Nils Fiechter n'èn betg sa distanziads uffizialmain da la gruppaziun extremistica «Junge Tat». La scheffa da la strategia da la Giuvna PPS, Sarah Regez, era sa participada l'onn passà ad in inscunter cun l'extremist da la dretga austriac Martin Sellner. Era da la partida eran stads divers commembers da la gruppaziun «Junge Tat».

RTR novitads 08:00

Artitgels legids il pli savens