L'organisaziun responsabla per il Gruyère reducescha la producziun dal chaschiel. Vis sur l'entir 2023 duai dar 10% damain Gruyère. La raschun èn ils exports ch'han laschà suenter ed ils magasins pli che plains.
En ils Stadis Unids vegnia exportà 25% pli pauc Gruyère. En la Belgia vegnì schizunt exportà 40% pli pauc. Quai muntà circa 1400 tonnas chaschiel pli pauc. Tenor l'organisaziun giascha quai vi da l'inflaziun e la guerra en l'Ucraina.
Per sbassar la producziun da Gruyère stoppia il pur laschar ir vatgas u vender il latg a l'industria, hai num da l'organisaziun. Quai pudess er avair l'effect ch'igl ha avunda latg indigen per la producziun dal paintg svizzer.
audio
Per tadlar: las novitads da las 07:00
ord RTR Audio dals 24.06.2023.
laschar ir. Durada: 4 minutas 5 Secundas.
