Svizra - Guardia da cunfin tschiffa bunamain 30'000 migrants illegals
Enfin la fin d'avust ha la guardia da cunfins tschiffà radund 30'000 migrants illegals. L'onn passà era quai ils emprims 8 mais da l'onn 16'400 persunas. Quai resulta da las cifras ch'il corps da la guardia da cunfins ha publitgà.
Sulet il mais d'avust ha la guardia da cunfin tschiffà 7'600 migrants illegals. Ils pli blers dad els, numnadamain 5'300, èn vegnids refusads al cunfin entras la guardia da cunfin. Quai èn dapli persunas che durant ils emprims 8 mais da l'onn passà.
