Il chantun Lucerna na sustegn betg la construcziun d'ina nova caserna da la Guardia svizra papala en il Vatican. Las votantas ed ils votants han refusà il credit da 400'000 francs e quai cleramain: Tut las vischnancas han refusà l'idea e be 28,5% han mess in Gea en l'urna.
Credit per nova caserna a Roma
Lucerna: Credit per nova caserna a Roma
-
GEA
43'195 Vuschs
-
NA
108'263 Vuschs
Ina coaliziun da la Partida socialdemocratica, Verds e Verd-liberals ha cumattì il credit e fatg in referendum. Il chantun Lucerna haja stuì spargnar bler ils ultims onns e perquai na saja betg giutifitgà da cunfinanziar in bajetg che la baselgia pudess sa prestar orda atgna forza, uschia l'argumentaziun.
La Guardia svizra papala duai survegnir ina nova caserna – ils custs muntan a 50 milliuns francs – dentant betg il stadi vatican mabain ina fundaziun svizra privata bajegia la nova caserna. Il vatican sco era la confederaziun e differents chantuns sustegnan finanzialmain il project.
Il chantun Grischun ha gia deliberà in credit da 200'000 francs. Qua la survista svizra: