Siglir tar il cuntegn

Header

Il guaud svizzer è en in bun stadi.
Legenda: Il guaud svizzer è en in bun stadi. Keystone
cuntegn

Guaud svizzer En bun stadi e multifar

Il guaud svizzer è tenor la Confederaziun en in bun stadi. El protegia meglier da privels natirals ed è pli divers ch’avant otg onns, sco il nov inventari forestal dals onns 2009-2017 mussa. La diversitad augmentada en ils guauds fetschia ella pli resistenta cunter influenzas da stemprads u sitgira.

Il guaud svizzer cuvra radund in terz da la surfatscha dal pajais. Dapi l'inventari dals onns 2004 fin 2006 sa sviluppa el en furma positiva. Ils guauds administrads èn vegnids pli divers, igl haja dà dapli guauds maschadads cun differentas sorts da plantas e vegliadetgnas.

Da cumbatter ha el dentant cun malsognas ed insects – Er dettia regiuns nua ch’il guaud vegnia debostgà memia pauc. Quai saja cunzunt là in problem nua ch’il guaud stuess proteger da lavinas.

Nagin access als guauds en ils auts

Regiunal datti dentant differenzas: Guauds en las muntognas vegnan administrads memia pauc, saja quai pervia da motivs finanzials u perquai che l'access manca. Las plantas creschan memia stretg ed i dat memia paucas plantas giuvnas.

Quai è cunzunt là in problem, nua ch'il guaud stuess proteger da lavinas e bovas. La surfatscha forestala crescha dapi 150 onns, dapi l'emprim inventar ils onns 80 è la surfatscha creschida en Svizra per 25% – en il Grischun per 24%.

RTR novitads 11:00

Artitgels legids il pli savens

Ir a sanester Ir a dretg