- Il concern da mangiativas Nestlé ha augmentà la svieuta per 0,8% sin 89,4 milliardas francs.
- Il gudogn è sa reducì per 6,2% sin 8,9 milliardas francs.
Ina da las raschuns principalas per quest svilup saja la fatschenta en la China che stagneschia. Il pli fitg creschì saja il concern en las spartas d'aua e pavel d'animals. Il pli pauc en las spartas products da latg e dultscharias. Quai ha communitgà Nestlé. Il 2015 è il gudogn dal producent da Maggi, KitKat, Nespresso e Co. sa reducì marcantamain per 36% sin 9,5 milliardas francs.
Prognosas positivas e in zic damain dividenda
La radunanza generala da l'entschatta avrigl vegn a proponer ina dividenda da 2,30 francs per aczia. L'onn passà muntava la proposta a 2,25 francs per aczia.
Per l'onn current quinta Nestlé da crescher per 2 fin 4%. Per vegnir pli profitabel ed efficient duaja il concern vegnir restructurà a moda massiva.
RR novitads 08:00