Siglir tar il cuntegn

Svizra Gudogn da record per la Banca naziunala

Tenor calculaziuns provisoricas vegn la Banca naziunala a savair preschentar per il 2017 in gudogn da 54 milliardas francs. La Confederaziun ed ils chantuns duain survegnir ina distribuziun da 2 milliardas francs.

Ina part da l'edifizi da la Banca naziunala a Berna.
Legenda: Gudogn da record per la Banca naziunala. Keystone

Grazia a la svalitaziun dal franc svizzer sa la Banca naziunala preschentar per il 2017 il pli aut gudogn en sia istorgia da 110 onns. Tenor cifras provisoricas ha la banca pudì redublar il surpli sin 54 milliardas francs. Quai resulta d'ina communicaziun a las medias da la banca da mardi. Il plus dal 2016 aveva muntà a 24,5 milliardas francs.

Sper la svalitaziun dal franc svizzer en relaziun tar l'euro ha la banca da notas profità dal bun svilup dals martgads dad aczias. La Banca naziunala dispona d'in portfolio da devisas en la valur da pliras tschient milliardas francs: La banca tegn aczias ed emprests en euros, dollars ed ulteriuras valutas. Midadas en la valur dal portfolio han in effect direct sin il retgav da la banca.

RR novitads 08:00