Siglir tar il cuntegn

Header

cuntegn

Guerra en l'Ucraina La Svizra realisescha ulteriuras sancziuns

Cun la decisiun dals 25 da mars suonda la Svizra a las mesiras, che l’Uniun europeica aveva relaschà en connex cun l’invasiun russa en l’Ucraina ils 9 ed ils 15 da mars. Emprimas mesiras aveva la Svizra gia surpiglià ils 16 da mars.

Davent da questa notg vala in scumond d’exportar rauba per il sectur d’energia, e servetschs che fan part. Medemamain scumandads èn tschertas activitads finanzialas cun interpresas dal sectur d’energia.

In nov scumond d’import vala per products da fier e d’atschal ord la Russia ni cun origin russ. Exportar rauba da luxus ed instruments per la navigaziun maritima è medemamain scumandà. Autras sancziuns pertutgan il sectur da finanzas e da rating.

Emetturs russ restan averts

Vitiers ha il Cussegl federal decidì il venderdi, da betg surpigliar da l'UE la mesira pertutgant emetturs russ sco «Sputnik» e «Russia Today». Uschia han consuments en Svizra vinavant la pussaivladad da vesair ils cuntegns da quests emetturs russ. Ils dus emetturs na vegnan betg scumandads en Svizra.

audio
Per tadlar curt e cumpact
aus RTR Audio vom 25.03.2022.
abspielen. Laufzeit 1 minuta 4 Sekunden.

RTR novitads 17:00

Artitgels legids il pli savens

Scrollar a sanestra Scrollar a dretga