En vista a l'agressiun militara russa che cuntinuescha en l'Ucraina, ed ils clers avis sin acts sgarschaivels commess a Butscha ha il Cussegl federal ha decidì da surpigliar las novas sancziuns da l'UE cunter la Russia e Belarus. Las adattaziuns vegnian elavuradas, uschia communitgescha il Cussegl federal.
Quest tschintgavel pachet da sancziuns cuntegn scumonds d'import e sancziuns cunter duas figlias dal president russ Wladimir Putin. Ils scumonds d'import pertutgan rauba che porta entradas impurtantas, sco per exempel charvun, lain, cement, fritgs da mar e vodka. In scumond d'export vala per exempel per cherosin ed autra rauba che rinforzan las capacitads industrialas da la Russia sco roboters industrials u tschertas chemicalias. Vitiers datti sancziuns cunter passa 200 ulteriuras persunas ed organisaziuns russas.
Ina part da las sancziuns pertutgan er il Belarus. La glista da sancziuns correspunda uss cumplettamain a quella da l'Uniun Europeica.