Siglir tar il cuntegn

Header

Cusseglier federal Ignazio Cassis avant ils microfons da las schurnalistas ed dals schurnalists a Berna
Legenda: RTR
cuntegn

Guerra Ucraina Cassis sa declera

Il president da la Confederaziun defenda la communicaziun da ses departament en connex cun ils acts da sgarschur cunter la populaziun civila a Butscha.

Avant las medias a Berna ha il cusseglier federal Ignazio Cassis condemnà fermamain las attatgas sin la populaziun civila en la citad datiers da la chapitala ucranaisa Kiev. Ils maletgs da las victimas assassinadas hajan schoccà el ed el n’haja mai pensà da vesair tals maletgs en l’Europa dal 21avel tschientaner. Ignazio Cassis ha era reagì sin la critica da partidas ed autras organisaziuns che la Confederaziun n’haja betg condemnà la Russia a moda clera pervia dals malfatgs a Butscha che sajan crims cunter l’umanitad. La diplomazia stoppia salvar sang fraid e sco emprim laschar verifitgar ils fatgs, ha Cassis ditg.

audio
Cassis condemnescha las attatgas
aus RTR Audio vom 04.04.2022.
abspielen. Laufzeit 20 Sekunden.

La Svizra haja immediat pretendì in’inquisiziun internaziunala dals schabetgs e vegnia era a sustegnair questas lavurs a moda finanziala e persunala. Sche l’UE decidia novas sancziuns vegnia la Svizra a surprender quellas, ha Cassis accentuà.

RTR novitads 17:00

Artitgels legids il pli savens

Scrollar a sanestra Scrollar a dretga