Siglir tar il cuntegn

Header

audio
Guida rumantscha en Chasa federala
Or da Actualitad dals 09.12.2022. Maletg: RTR
laschar ir. Durada: 3 minutas 54 Secundas.
cuntegn

Guida rumantscha Fatgs istorics ed architectonics per rumantsch

Giuanna Caviezel ha fatg sia emprima guida tras la Chasa federala. Quai è il medem mument stà l’emprima guida per rumantsch.

Giuanna Caviezel è oriunda da Vrin e lavura sco translatura per la Chanzlia federala a Berna. Ussa surpiglia ella las guidas rumantschas tras la Chasa federala, per la giuvna in'onur.

Per mai persunalmain èsi ina gronda onur da dastgar far questa guida per rumantsch. Ed i fa plaschair da vesair il rir en las fatschas.
Autur: Giuanna Caviezel guida rumantscha en la Chasa federala

Sia emprima guida fa Giuanna Caviezel cun l’uniun da commerzi e professiun da Mustér. Passa 40 persunas maina ella tras l’edifizi. Ils participants e las participantas èn surstadas dal grond stgazi da pleds da la guida.

Igl è stà interessant ch'ella ha pudì raquintar sur l’entira istorgia per rumantsch.
participant da la guida

Ad auters croda si la vita en la Chasa federala, durant la sessiun èn fitg bleras persunas dapertut. Betg mo en las stanzas dal Cussegl naziunal e dal Cussegl dals chantuns èn ils politichers e las politicras vi da debattar, mabain er en ils sulers èn els vi da lavurar.

RTR actualitad 17:00

Artitgels legids il pli savens

Scrollar a sanestra Scrollar a dretga