Siglir tar il cuntegn

Header

cuntegn

Svizra Guido Tognoni e sia rolla dubla

Il Grischun Guido Tognoni, criticher da la Fifa cun auta preschientscha mediala, n'è betg uschè independent sco el sa dat.

Tognoni represchenta Najeeb Chirakal avant la cumissiun etica da la Fifa, sco che la «SonntagsZeitung» scriva. Chirakal è stà il maun dretg da Mohammed Bin Hammam, l'um ch'è en il center da l'affera davart la surdada dal campiunadi mundial 2022 al Katar.

Na gudognia nagut vi da quest mandat

En ina posiziun scriva Tognoni ch’el haja surpiglià il mandat avant intgins mais ed i saja in «servetsch d’ami per insatgi che na possia betg prestar in advocat e che na saja betg abel da sa storscher». El na gudognia nagut vi da quest mandat. El na sappia era betg tge che vegnia reproschà a Chirakal, el n’haja gì nagin’invista en las actas.

Guido Tognoni na vesa betg in problem per sia independenza en sia lavur. L’ultim temp ha el attatgà pliras giadas la cumissiun etica da la Fifa.

RR novitads 10:00

Artitgels legids il pli savens