Barazzone tira uschia las consequenzas ord l'affera davart spesas exageradas. El aveva incassà spesas da total 42'000 francs il 2017. Tranter auter avev'el incassà l'onn passà spesas da telefonin per passa 17'000 francs.
La curt dals quints – in'autoritad per la controlla da finanzas – aveva constatà tar in'examinaziun che diversas spesas da l'executiva da la citad n'avevan da far nagut cun la lavur. Il rapport publitgà l'entschatta november crititgava surtut Barazzone.
Il giurist è vegnì elegì il 2012 en la regenza da la citad Genevra. Dapi il december 2013 represchenta el er la PCD en il cussegl naziunal.
RR novitads 12:00