Guy Lachapelle è designà da surprender il timun da Pascal Gantenbein, ch'è actualmain president ad interim. Il mars da quest onn aveva il president dal cussegl d'administraziun Johannes Rüegg-Stürm stuì bandunar quel post – quai pervi dals scumbigls ch'il stil da far affars da l'anteriur schef da la Raiffeisen Pierin Vincenz aveva causà. Gantenbein vul restar en il gremi.
Sper Guy Lachapelle, ch’è nominà per il post dal president dal cussegl d'administraziun, nominescha la gruppa a Karin Valenzano Rossi, Andrej Golob, Thomas A. Müller e Beat Schwab sco ulteriurs commembers dal cussegl. Cun questa nominaziun stettia il process da renovaziun dal cussegl d'administraziun da Raiffeisen Svizra curt avant la fin, communitgescha la gruppa Raiffeisen.
Ils nominads vegnan proponids ad ina radunanza extraordinaria ils 10 da november als delegads a l’elecziun.
RR novitads 07:30