Siglir tar il cuntegn

Header

Navigaziun

Guy Parmelin.
Legenda: Guy Parmelin ha sincerà che ni el ni ses frar profiteschian da la nova lescha. SRF
cuntegn

Svizra Guy Parmelin desistiss d'in gudogn eventual

Il cusseglier federal punctuescha ch'el na prendess nagins daners sche ses frar vendiss il terren che tutgava ad el. Questa decisiun vegnia autentifitgada tant pli spert dad in notar.

Il minister da defensiun Guy Parmelin na vesa nagin conflict d’interess. El è s’engaschà en il Cussegl federal che purs na ston betg pajar taglia federala sin gudogns ord la vendita da terren. Fin ils 5 da mars era el sez possessur da terren agricul, oz tutga il funs a ses frar.

I na dettia nagins plans da vendita, ha ditg Parmelin il venderdi. Ni el ni ses frar profiteschian.

Quai ha ditg il minister da defensiun il suentermezdi davant las medias a Berna. Ses frar cultiveschia anc adina vignas sin la parcella e vegnia er vinavant a far quai.

Parmelin: «Ni jau ni mes frar profitain»

Sin la dumonda sch’el n’avessi betg meglier prendì recusaziun ha ditg Parmelin: Na, pertge durant quest temp era ses frar gia il cultivatur dal manaschi agricul. El n’haja lura er betg discutà la dumonda cun in giurist.

Tenor retschertgas dal «Blick» era Parmelin fin avant dus mais sez cumproprietari dals terrens agriculs. Il transfer a ses frar haja el gia instradà intgins dis avant l’elecziun en la regenza, scriva il departament da Defensiun en ina posiziun.

I haja duvrà pliras sesidas per preparar la vendita. Ils contracts hajan ins suttascrit ils 5 da mars, en vigur retroactiva per il prim da schaner 2016. Tar il terren vendì sa tractia quai da terren cultivà e d’ina vigna. Omaduas parcellas èn tenor il Departament da defensiun suttamessas al dretg da terren agricul.

Il venderdi aveva la gasetta «Blick» rapportà che Parmelin era s'engaschà en il Cussegl federal ch'ils purs na stoppian betg pajar taglia federala sin ils gudogns ord la vendita da terren.

Pajar taglia sin gudogn ord vendita da terren

Concret vai per ina midada da la lescha ch’il Cussegl naziunal ha approvà l’emna passada en ina sessiun extraordinaria.

Durant blers decennis na stuevan ils purs pajar nagina taglia sin gudogns ord la vendita da terren. Il 2011 aveva il Tribunal federal restrenschì quest privilegi sin suloms ch’appartegnan tenor lescha federala al dretg da sulom puril.

Dapi lura ston ils purs pajar la cumplaina taglia sin gudogns ord la vendita da reservas da terren da bajegiar.

RR novitads 6:00

Dar pled e fatg a cumissun

Dumondas n’han betg mo ils schurnalists. Il glindesdi vul er la cumissiun da gestiun dal parlament citar il minister da defensiun. Quai ha confermà il president da la cumissiun Hans Stöckli envers il «Blick».