Siglir tar il cuntegn

Header

purtret da Parmelin
Legenda: Guy Parmelin propona per quest venderdi ina minuta da silenzi. Keystone
cuntegn

Guy Parmelin propona Minuta da silenzi per unfrendas da corona

Venderdi ils 5 da mars èsi exact in onn che l'emprima persuna en Svizra è morta en connex cun il coronavirus. Il president da la Confederaziun, Guy Parmelin propona perquai da far da mezdi ina minuta da silenzi per las entant passa 9'000 unfrendas da corona.

Ils 5 da mars è la chaschun da laschar tutgar ils zains e da sa fermar per ina minuta da silenzi.
Autur: Guy Parmelinpresident da la Confederaziun

Mintgina e mintgin en quest pajais enconuschia ina persuna che saja stada malsauna u che haja pers confamigliars. La minuta da silenzi na propona Parmelin dentant betg be per las entant passa 9'000 unfrendas dal virus e lur confamigliars. Ins duai er pensar vid las persunas che cumbattian per il mument la malsogna u sias consequenzas tardivas e quels che gidan e sustegnan els da far quai.

Tuts ensemen, pass per pass, vegnin nus a dumagnar la pandemia.
Autur: Guy Parmelinpresident da la Confederaziun

Il Cussegl federal vul dentant desister d'ina ceremonia per commemorar las unfrendas. Quai hajan ins decidì communablamain cun ils presidents dal Cussegl naziunal e dal Cussegl dals chantuns. I na saja betg il dretg mument, ha el declerà a l'emettur RTS. La situaziun epidemiologica na lubeschia betg quai.

Ord l'archiv:

Avant stgars in onn è vegnì fatg applaus per quels che lavuran en il sistem da sanadad, sco engraziament per lur lavur. L'october da l'onn passà han els dentant er fatg cler che be applaus, na tanscha betg.

video
Be applaus na basta betg
Or da Telesguard dals 30.10.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga