Siglir tar il cuntegn

Header

Navigaziun

cuntegn

Svizra Hackers duain attatgar il sistem dad e-voting

Per far pli segir il sistem da votar electronic èn spezialists da computer envidads da far tests da tuttas sorts.

Placat cun si in'urna ed in cedel da votar.
Legenda: Votar duai en divers chantuns er esser pussaivel sin via electronica. Keystone

La Posta svizra metta a disposiziun ses sistem dad e-voting durant in mais. L'idea è ch'il sistem vegn fatg il hacken da spezialists da computers e hackers da l'entir mund. La finamira è d'uschia chattar sbagls e largias en il sistem existent e megliurar quel. Suenter la fasa da test vul la Confederaziun lura certifitgar il sistem. Sche quai è il cas less er il chantun Grischun siglir sin il char ed introducir il sistem da votar electronic, quai en ina fasa da pilot cun sis vischnancas.

Mintgin po sa participar

Envidà d'attatgar il sistem dals 25.2 – 24.3.2019 è da principi in e scadin. Sajan quai hackers da hobbi u er fatschentas professiunalas. Tgi che annunzia largias pli grondas survegn er ina premia. Sche mintgin annunzia dentant sbagls n'è betg garantì. In privel è er ch'ils hackers vendan lur infurmaziuns a terzs che han interess da manipular resultats da votaziuns.

RR actualitad 17:00