Siglir tar il cuntegn

Header

Navigaziun

cuntegn

Svizra Hackers han attatgà provediment d'aua a Lucerna

Il november han hackers empruvà d'attatgar l'infrastructura dad IT dal provediment d'aua ad Ebikon. Il sistem che saja vegnì installà l'atun passà haja pudì sa defender cun success. Sco consequenza saja il stgalim da segirezza vegnì auzà.

Purtret dad in computer ed ina persuna che mussa cun in det sin il visur.
Legenda: En il chantun Lucerna han hackers empruvà d'attatgar il provediment d'aua. Keystone

Pliras milli giadas haja la software survegnì dumondas nauschas da Londra e da la Corea, ha communitgà la vischnanca. Il gestiunari dal sistem haja registrà las attatgas ed annunzià quai a la vischnanca.

Ils hackers hajan empruvà da vegnir en la rait interna che maina pumpas, surveglia reservuars ed annunzia sch'i vegn engulà aua. Cunquai ch’il sistem saja serrà cun in code, hajan ils attatgaders gì nagin success. Il gestiunari dal sistem ha plinavant pudì registrar las adressas dad IP dals hackers ed hajan pudì reconstruir danunder che las attatgas sajan vegnidas.

Sche hackers pudessan entrar en il sistem, pudess ins tschentar giu il sistem electronic e manischar ils indriz manual. Il provediment d’aua da Ebikon serva a radund 26'000 persunas.

RR novitads 14:00