Siglir tar il cuntegn
Inhalt

Svizra Hans Wicki candidescha

Il cusseglier dals chantuns da Sutsilvania va en la cursa per in sez en il Cussegl federal.

Hans Wicki durant la conferenza da medias davart sia candidatura.
Legenda: Durant ina conferenza da medias ha il liberaldemocrat discurrì davart las raschuns da sia candidatura. Keystone

Il cusseglier dals chantuns liberaldemocratic Hans Wicki less succeder a Johann Schneider-Ammann, quai ha l'um da 54 onns communitgà. Uschia fa el concurrenza a Karin Keller-Sutter ch'aveva gia annunzià ch'ella vul daventar cussegliera federala. La Songagliaisa vala dentant sco favurita.

«Nagina candidatura d'alibi»

Wicki na vesa sia candidatura betg sco candidatura d'alibi. A l'entschatta dal success stettia il risico, ha ditg il cusseglier dals chantuns da la Sutsilvania. Il liberlademocrat è persvadì d'avair las premissas per quest post. Sco directur d'ina firma internaziunala saja el stà per tut il mund enturn. Sco anteriur cusseglier guvernativ da la Sutsilvania haja Wicki experientscha en l'executiva e sco cusseglier dals chantuns en la legislativa.

Cun Karin Keller-Sutter ed el stettian a disposiziun dus candidats ch'hajan las abilitads da daventar cusseglier u cussegliera federala.

RR novitads 10:00