Latiers veglia Swatch cooperar cun ina banca svizra ed ina firma da credit, ha declerà il schef dal concern Nick Hayek a chaschun d’ina conferenza da medias. Hayek quinta che l'ura avria novs martgads a ses concern. En ils Stadis Unids da l’America desistia blera glieud da purtar in’ura. Quai sa midia puspè cun l’ura ch’haja ina funcziun da pajar, ha ditg Hayek.
Quai che pertutga l'onn da fatschenta 2015, sa mussa il schef da Swatch optimistic, e quai malgrà il ferm franc.
RR Novitads 17:00