La regenza da la Turgovia sa perstgisa e metta en vista meglieraments. I na dat però naginas consequenas persunalas. In scumond da tegnair animals na saja betg vegnì fatg valair hai num en il rapport. La regenza da lez temp aveva temì memia gronds custs per il chantun.
L'avust 2017 eran escaladas las dispitas da passa 20 onns tranter las autoritads da la Turgovia e l'allevatur da chavals a Hefenhofen. La polizia ha rumì il bain e l'armada svizra ha transportà davent ils radund 300 chavals. Per sclerir las renfatschas envers las autoritads ha la regenza da la Turgovia mess en il settember 2017 ina cumissiun independenta. Lezza ha examinà co l'administraziun e la politica han lavurà en quest cas.
46 ordinaturs cun actas
La cumissiun ha discurrì cun 49 represchentants da las autoritads e guardà tras 46 ordinaturs cun actas. Il president da la cumissiun, l'anteriur cusseglier guvernativ da Zug, Hanspeter Uster, ha constattà divers manglaments sin divers stgalims, betg mo sin l'uffizi veterinar. Las autoritads n'hajan betg pudì u vulì decider tranter deescalaziun e repressiun.
Per l'inquisiziun dal cas quinta il chantun Turgovia cun custs da 818'000 francs. La vendita dals chavals confiscads ha purtà 245'000 francs.
RR novitads 14:00
