Siglir tar il cuntegn
Inhalt

Svizra Hegglin vegn nominà sco candidat per il cusseglier federal

La suprastanza da la PCD da Zug trametta en la cursa il cusseglier dals chantuns Peter Hegglin sco candidat per la successiun da Doris Leuthard. La decisiun è stada unanima.

Peter Hegglin.
Legenda: Il cusseglier dals chantuns da Zug – Peter Hegglin – vul daventar cusseglier federal. Keystone

Uschia è Peter Hegglin l’emprim candidat ch’è vegnì nominà da sia partida chantunala. Hegglin sesa dapi il 2015 en il Cussegl dals chantuns. L'um da 58 onns vesa sasez sco construider da punts cun buns contacts che vul «contribuir bler per in bainstar da la Svizra». Il cristiandemocrat ha tenor atgnas indicaziuns dasper la politica da finanzas, era interess vi da tematicas da la sanadad e da l’economia publica.

Dal pur da bio en la regenza

Peter Hegglin è creschì si en il chantun Zug ed ha fatg in emprendissadi sco pur. El ha manà in bain puril da bio. Silsuenter è el vegnì elegì sco cusseglier guvernativ dal chantun Zug. L'anteriur directur da finanzas è maridà e bab da quatter uffants.

Las partidas chantunalas da la PCD pon anc inoltrar fin ils 25 d’october candidaturas. L'elecziun per il Cussegl federal è ils 5 da december.

RR novitads 06:00