Siglir tar il cuntegn

Header

video
Heiko Bujack
Or da RTR dals 17.05.2016.
laschar ir. Durada: 4 minutas 31 Secundas.
cuntegn

Svizra † Heiko Bujack

La construcziun dal tunnel al Gottard era per Heiko Bujack ina gronda chaussa. L’onn 1998 è il minier oriund da Harbke arrivà a Sedrun nua ch’el ha lavurà quatter onns sco minier.

«El aveva adina ditg», sa regorda ses frar Thomas, «che gia dus umens eran morts en sia colonna. Ed jau hai ditg: Sche lura va davent da quel lieu. Ma el n'ha betg vulì tadlar.»

Durant sias vacanzas raquintava Heiko Bujack gugent da sia lavur. «Heiko scheva adina», sa regorda in ami, «ils raps che ti gudognas, quels na ta vegnan betg regalads. Quai è ina lavuratscha greva. Ma per el era quai IL tunnel.»

Suenter quatter onns a Sedrun ha Heiko Bujack midà sin il plazzal Faido. Sia famiglia era levgiada. El ha entschet da far ina scolaziun sco maister siglientader. Ils 3 d’avrigl 2003 vegn el mazzà d’in crappun durant lavurs da segirar il spelm. Ina mort da minier cun 35 onns.

Artitgels legids il pli savens