La Partida populara svizra ha declerà la constellaziun dal «tichet da 3» cun ina candidatura per mintga regiun linguistica gronda, ha declerà il schef da fracziun da la PPS Adrian Amstutz en ina conferenza da medias. Uschia èn la finala sin il tichet:
- Thomas Aeschi , il link avra en ina nova fanestraavrir en il browser(ZG) per la Svizra tudestga
- Guy Parmelin , il link avra en ina nova fanestraavrir en il browser(VD) per la Svizra franzosa
- Norman Gobbi , il link avra en ina nova fanestraavrir en il browser(TI) per la Svizra taliana
Cursa piz a cup cunter il candidat grischun Heinz Brand
Il candidat grischun Heinz Brand ha pers per pauc la nominaziun cunter Thomas Aeschi. Quai cun il resultat final da 37:44 vuschs en il tschintgavel scrutin.
Ils resultats dals scrutins per il candidat da la Svizra tudestga
candidat | 1. scrutin | 2. scrutin | 3. scrutin | 4. scrutin | 5. scrutin |
---|---|---|---|---|---|
Thomas Aeschi (ZG) | 26 | 29 | 30 | 34 | 44 |
Heinz Brand (GR) | 18 | 22 | 24 | 27 | 37 |
Res Schmid (NW) | 19 | 19 | 21 | 19 | |
Thomas Hurter (SH) | 7 | 7 | 6 | ||
Hannes Germann (SH) | 9 | 5 | |||
Thomas de Courten (BL) | 1 |
Nagina candidatura selvadia
Auter che tar l'elecziun dad Eveline Widmer-Schlumpf è Amstutz persvadì ch'i na dettia betg candidaturas selvadias en las atgnas ritschas.
Dapi l'elecziun dad Eveline Widmer-Schlumpf ha la PPS en ils statuts che tut ils commembers che n'èn betg proponids da la fracziun, han da refusar l'elecziun, ubain ch'i vegnan sclaus da la partida.
Il cusseglier federal actual Ueli Maurer ha la suprastanza da la fracziun da la PPS proponì unanim per in'ulteriura perioda d'uffizi.
RR novitads 20:00