Siglir tar il cuntegn
Inhalt

helveCHia A la tschertga dals stgazis sin il glatsch

Il museum istoric dal Vallais mussa in’exposiziun davart ils chats archeologics sin ils glatschers. Il medem mument lantschan ils scienziads era in appel a la populaziun.

Da vesair èn tranter auter in chalzer da naiv d'avant 6000 onns u utensils ch’il mercenari dal Pass dal Theodul aveva cun el, cura ch’el è crudà en ina sfessa dal glatscher ed è mort.

Dependents da l'agid da la populaziun

Perquai ch’ils glatschers lieuan pervia dal stgaudament dal clima, dattan els adina puspè liber novs objects. Per ils archeologs na saja betg pussaivel da salvar sezs tut ils objects, di l’archeolog Romain Andenmatten. Perquai sajan els era dependents da l’agid da la populaziun. Cunzunt da viandants e persunas che lavuran en la muntogna.

Tgi che chatta objects ch’il glatscher dat liber, duai fotografar quels ed il lieu dal chat. Sche pussaivel duain las coordinatas da GPS vegnir nudadas, quai per puspè chattar il lieu. Las infurmaziuns duain vegnir tramessas al post archeologic dal chantun. Tar chats da restanzas umanas sto vegnir infurmada la polizia.

RR actualitad 11:00