Siglir tar il cuntegn

Header

cuntegn

helveCHia Anwil è electromobil – almain per in'emna

Stgars 2/3 dals abitants dad Anwil (BL) han desistì durant in'emna sin lur autos che van cun benzin u diesel. Enstagl han els duvrà en lur mintgadi autos electrics.

Ad Anwill abitan radund 600 persunas. Bun 2/3 da las chasadas èn stadas durant in'emna cun electricitad sin via, enstagl cun benzin u diesel. Els han survegnì dal concern d'energia Elektra Basilea-Champagna gratuit in auto electric per testar el.

Il concern d'energia ha vulì chattar ora cun quest experiment sche la rait electrica è insumma pronta per l'electromobilitad.

audio
Mezdi: Anwil è pront per l’electromobil
ord Actualitad dals 20.09.2018.
laschar ir. Durada: 2 minutas 39 Secundas.

Tobias Andrist, il schef da Elektra Basilea-Champagna, tira suenter in'emna in facit positiv. Els hajan constatà ch'i saja nagin problem sche 2/3 dals abitants dovran in auto electric. La rait avess era tegnì ora sche tut ils 600 abitants da la vischnanca fissan stads sin via cun in auto electric.

Autos electrics

Avrir la box Serrar la box

En Svizra datti actualmain bun 15'000 autos che van cun electricitad. Cumpareglià cun il dumber da totalmain 6 milliuns vehichels motorisads sin nossas vias è quai ina pitschna cifra.

RR actualitad 12:00

Artitgels legids il pli savens