Basilea-Citad - Ina chasa da scola sin il tetg d'in center da cumpras

1 / 2

Legenda: La chasa da scola è planisada co construcziun da lain. Ed era sche la construcziun è speziala duai dar ina gronda plazza verda enturn la scola nua che scolaras e scolars pon passentar la pausa. ZVG

2 / 2

Legenda: La chasa da scola e planisada sin il areal Dreispitz. Là duai vegnir fabritgà in entir quartier nov. ZVG

600 scolaras e scolars duain ir a scola sin il tetg dad in center da cumpras da la Migros. La scola secundara duai era avair ina sala da gimnastica ed enturn ed enturn in prà verd per giugar e passentar las pausas. Cun quai che la cifra da scolaras e scolars crescha ston ins fabritgar scolas, hai num da la vart da la citad da Basilea. Per ina citad saia quai bun e necessari sch'ins pensa innovativ per pudair fabritgar a moda concentrada.

audio

Chasa da scola sin in center da cumpra

02:42 min, ord Actualitad dals 01.10.2020.

laschar ir. Durada: 2 minutas 42 Secundas.

Il project ha lieu en il rom da la surconstrucziun da l’areal «Dreispitz». L'areal ch'è oz enconuschent sco lieu cun centers da shopping duai vegnir surfabritgà en in nov quartier. Planisadas èn 800 abitaziuns, trais chasas autas e dus parcs. Ils custs stimads èn tar in milliard. Dentant enfin che la scola vegn realisada dura quai anc almain otg onns. Il project è pir vegnì preschentà e procura anc per discussiuns.