Siglir tar il cuntegn

Header

cuntegn

Canera da via Catram spezial perda ses effect sur ils onns

L’Argovia vala sco pionier en chaussa catram ch’absorbescha la canera. Cun il temp perda quel dentant in pau l'effect.

Ils catrams che absorbeschan la canera gidan bain: per abitantas ed abitants èsi sco sch'igl avess trais quarts damain traffic, declera Michael Strickler ch'è responsabel en l'Argovia per la sanaziun da la canera da vias.

audio
Catram da scutinar fa mema blera canera
ord Actualitad dals 18.11.2021.
laschar ir. Durada: 1 minuta 54 Secundas.

Igl èn las foras en il catram che piglian davent la canera dals autos – respectiv la canera ch'i dat sch’in auto passa sin il catram. Dentant onn per onn vegnan quels catrams pli dad auts. Quai perquai che las foras s’empleneschan cun merda. Ins emprova da chattar ina soluziun per tegnair net las foras. Entant schubregian ins quellas cun aua e pressiun auta. Uschia duain ils catrams puspè pudair absorbar meglier la canera.

Pli baud fabritgava ins simplamain in nov catram. Quai na saja dentant ni bunmartgà ni persistent – oravant tut, sch'il catram fiss en sasez anc en buna cundiziun.

RTR HelveChia 12:00

Artitgels legids il pli savens