Il vitg Castro en la Val dal Blegn è in pitschen vitg ch’appartegna dapi in pèr onns a la vischnanca fusiunada da Aquarossa. En tut vivan radund 80 persunas a Castro. Ma en quest vitg na datti nagina stizun ed era nagina ustaria. Ma tuttina duas baselgias. La «Chiesa di San Giorgio», la baselgia principala ch'è vegnida fundada il 1205, ed il «Oratorio di San Antonio», ina chaplutta.
Bleras chasas bandunadas
Sco che la dunna Francesca Vescovi ha ditg, sajan bleras chasas bandunadas. Bleras famiglias da datti betg pli en il vitg, tuttina viva anc l'ina u l'autra famiglia giuvna cun uffants pitschens ed uffants da scola a Castro. Sco blers auters vitgs en il Grischun, cumbatta er il vitg en la Val dal Blegn cun la depopulaziun. Ma per las famiglias che vivan là, è il vitg idillic in pitschen «paradis».
Ina vista magnifica
Dal vitg Castro han ins ina vista magnifica. Ma sulet cun la vista n'è anc gudagnà nagut. Tuttina datti era pliras chasas da vacanzas e turists che vegnan a far vacanzas en il vitg idillic.
Artists da renum
L'artist e sculpturist da renum Giovanni Genucchi ha vivì blers onns a Castro. Ina da sias ovras è era la statua da la madonna sin il Pass dal Lucmagn.
RR actualitad 08:00
