Siglir tar il cuntegn

Header

Charta cun survista dals sistems da chatscha.
Legenda: En la gronda part dals chantuns datti la chatscha da patenta. RTR / Confederaziun svizra
cuntegn

helveCHia Differents sistems da chatscha en Svizra

En Svizra datti dus sistems da chatscha, la chatscha da revier e la chatscha da patenta. 16 dals chantuns e mez-chantuns fan la chatscha da patenta. La gronda excepziun è Genevra, nua ch'i dat nagina chatscha.

La chatscha da patenta

En la gronda part da la Svizra, en 16 chantuns u mez-chantuns, vegn pratitgà la chatscha da patenta. Quai en ils chantuns da la Romandie, en il Tessin, il Grischun, la gronda part da la Svizra centrala ed ils mez-chantuns da l'Appenzell. Tar quai sistem da chatscha ston ils chatschaders far in examen e cumprar tar il chantun la patenta. Il chantun fixescha mintg'onn, quants animals che dastgan vegnir sajettads.

La chatscha da revier

Quest sistem da chatscha vala per ils chantuns dal nord-ost da la Svizra, en tut 9 chantuns davent dals mez-chantuns da Basilea enfin Son Gagl (guarda charta). Tar la chatscha da revier dattan las vischnancas politicas a fittanza il dretg da chatscha a gruppas da chatschaders. A la fin da la stagiun ston ils chatschaders annunziar al chantun, tge e quants animals ch'els han sajettà. Il dumber d'animals sajettads ha era in'influenza sin il tschains da fittanza.

Cas spezial Genevra - chatscha da reschia

En il chantun da Genevra è la chatscha vegnida abolida l'onn 1974 en ina votaziun dal pievel. Dapi lura reguleschan, sche necessari, guardiaselvaschinas la populaziun d'animals.

Dapli da la votaziun davart la chatscha speziala

Avrir la boxSerrar la box

RR actualitad 12:00

Artitgels legids il pli savens

Scrollar a sanestra Scrollar a dretga