Senza agid è la fin da quest onn er la fin per l'eroport da Lugano. L'ultim sgol da lingia è vegni stritgà la fin da settember, perquai che la societad aviatica «Adria Airways» – che purscheva ils sgols da bundant 45 minutas tranter Lugano e Turitg – ha fatg concurs. Uss na vul nagin pli porscher ils sgols da lingia. Ad ils responsablas ed a las responsablas sco era a politicras e politichers manca dentant ina visiun communabla per il futur da l'eroport – sch'i dat insumma in futur per quel.
Il chantun ha decidì dad investir var 6 milliuns francs per mantegnair l'eroport ed en paucs dis decida il cussegl communal da Lugano sch'ins vul sustegnair in eroport che scriva deficits. Però era sch'ils deficits vegnan acceptads, smanatschan adversaris cun il referendum.
-
Bild 1 von 3Legenda: L'eroport da Lugano è curt avant la fin. Keystone
-
Bild 2 von 3Legenda: La fin da settember è atterrà l'ultim eroplan da passagiers sin il eroport a Lugano. I ha dat in grounding tar la cumpagnia "Adria Airways" che sgulava 4 giadas per di da Lugano a Turitg ed enavos. Keystone
-
Bild 3 von 3Legenda: Direct èn pertutgadas 70 plazzas da lavur - indirect 1000. Keystone
RR actualitad 11:00