Siglir tar il cuntegn

Header

Navigaziun

Il logo da la lutga
Legenda: La festa federala da lutga 2019 a Zug dat bler da discussiunar. MAD
cuntegn

helveCHia Festa federala da lutga amez in quartier da Zug

En ils onns passads han las festas federalas da lutga adina gì lieu sin prads in toc davent da la citad u d'ina vischnanca. Quest onn ha la festa lieu en in quartier da la citad da Zug.

L'avust da quest onn ha la festa federala lutga e da gieus alpesters lieu datiers dal quartier «Herti», en il vest da la citad da Zug. Las opiniuns davart quella decisiun da far la festa en il quartier van dapart.

300'000 visitaders entaifer 3 dis

En in mez onn dastgan ils abitants dal quartier «Herti» beneventar 300'000 visitaders che vegnan a la festa federala. Intgins da quels 9'000 abitants dal quartier fan tuttina quitads. Tranter auter pervi da la canera. Vinavant temian els era ch'i pudess dar vandalissem. La co-presidenta da la societad dal quartier Uta Pflug declera ch'i dettia era persunas che scappian quels dis ord da l'abitaziun per evitar il schuschuri.

Infurmar è il pli impurtant

Per il schef-organisatur da la festa federala da la lutga Thomas Huwyler èsi impurtant ch'il pievel pertutgà vegnia adina tegnì sin il current. Els èn adina stads en contact cun l'associaziun dals proprietaris e la societad da quartier. Sin la gronda part da las dumondas avertas dals abitants hajan ins savì respunder uschia ch'i cuntenta.

RR actualitad 11:00