-
Bild 1 von 4Legenda: La «Glatscharia Üna» sa chatta datiers da l’universitad sin via en la citad veglia ed è in’attracziun turistica. RTR, Orlando Cadonau -
Bild 2 von 4Legenda: Era las differentas sortas da glatsch èn descrittas per vallader. RTR, Orlando Cadonau
-
Bild 3 von 4Legenda: Il possessur Markus Dufner è scolast secundar ed oriundamain da la Germania. RTR, Orlando Cadonau
-
Bild 4 von 4Legenda: La clientella èn students, turists, indigens sco era rumantschs che laschian encrescher per la patria. RTR, Orlando Cadonau
Markus Dufner, oriund da la Germania, è il possessur da la «Glatscharia Üna» a Basilea Citad. Il scolast secundar che viva gia dapi radund 15 onns en Svizra, vuleva gia adina avrir ina glatscharia.
Entras Balzer Derungs da Ftan ha el chattà in producent e furnitur da glatscha biologica. E damai che la glatscha deriva oriundamain da l’Engiadina, è era stà cler daco ch’ina glatscharia a Basilea porta in num vallader.
Mintg’entschatta è greva
Avant diesch onns ha Markus Dufner avert la «Glatscharia Üna» a Basilea. Avert è la glatscharia durant il temp da stad, tranter l’avrigl ed il settember. Tranter 12 e 15 students lavuran davos la vitrina cun 16 differentas sorts da glatscha. Era sch’ils emprims trais onns sajan stads fitg grevs, saja la «Glatscharia Üna» ussa bain enconuschenta als da Basilea. Tuttina na sappia el betg viver da la glatscharia. I saja plitost in hobi, dentant in hobi cun bler passiun.