-
Bild 1 von 5. La Bénichon. La ballabaina gronda è tipic per la festa. Bildquelle: Musée gruérien.
-
Bild 2 von 5. La Bénichon. En furma da «Kilbi» vegn la festa era festagiada. Bildquelle: Musée gruérien.
-
Bild 3 von 5. La Bénichon. Musicants fan l'atmosfera e parts dal menu tradiziunal èn sin il banchet. Bildquelle: Musée gruérien.
-
Bild 4 von 5. La Bénichon. Sin las plazzas da las vischnancas s'inscuntran giuven e vegl. Bildquelle: Musée gruérien.
-
Bild 5 von 5. La Bénichon. Pli baud era il sautar il punct culminant da la festa. Bildquelle: Musée gruérien.
Il mangiar è in punct principal da la Bénichon. Tut la famiglia s’inscuntra davos maisa. Fin 4 uras vegn mangià ed il menu vegn preparà gia dis ordavant.
Per ils dal chantun Friburg è la Bénichion pli impurtanta che Nadal.
Tipic è il «Cuchaule et moutarde de Bénichon», quai è ina sort da paunins che vegnan mangiads ensemen cun ina mustarda dultscha che vegn aposta fatga per la festa. Dentant era il schambun sco era las merengas da dessert na dastgan betg mancar. Il menu da la Bénichon che variescha da regiun tar regiun, ha en tut var 8 tratgas.
-
Bild 1 von 10. Cuchaule cun mustarda da Bénichon. Bildquelle: Maurice Doucas.
-
Bild 2 von 10. Schoppa da giabus. Bildquelle: Maurice Doucas.
-
Bild 3 von 10. «Schafvoräss», fratem d'agnè. Bildquelle: Maurice Doucas RTS.
-
Bild 4 von 10. Schambun e differenta charn fimentada. Bildquelle: Maurice Doucas.
-
Bild 5 von 10. Schambun cun chips. Bildquelle: Maurice Doucas.
-
Bild 6 von 10. Gigot d'agnè cun differenta verdura. Bildquelle: Maurice Doucas.
-
Bild 7 von 10. Gigot d'agnè cun differenta verdura. Bildquelle: Maurice Doucas.
-
Bild 8 von 10. Marengas cun crema. Bildquelle: Maurice Doucas.
-
Bild 9 von 10. Differents dultschims. Bildquelle: Maurice Doucas.
-
Bild 10 von 10. Differents dultschims. Bildquelle: Maurice Doucas.
Sautar
Cura ch'ins ha il venter plain, lura vegn sautà. Pli baud vegniva spetgà cun brama da pudair ir a sautar. Igl era numnadamain l’unic di da l’onn, nua ch’ins pudeva sautar. La baselgia catolica aveva scumandà il sautar ils auters dis. La directura dal Musée gruérien, Isabelle Raboud-Schüle, declera, che blers cumpravan aposta novs vestgis per ballar.
Da quel temp aveva la baselgia catolica scumandà da ballar. Mo a la festa da Bénichon eri lubì.
Ins vegniva ensemen en vischnanca per ristgar ina trestga. Surtut per la giuventetgna in mument spezial. Ozendi dentant, di Isabelle Raboud-Schüle, haja il sautar pers l’impurtanza, forsa perquai ch'i na saja betg pli scumandà. La giuventetgna fa dentant autras chaussas per tegnair la tradiziun. Per exempel cursas cun chars da strom vegls.
Chantar
I dat ina chanzun sur da la Bénichon. Anc oz vegni quella chantada durant il temp da la Bénichon – sper autras chanzuns tradiziunalas. Ils da Friburg chantan fitg gugent, declera Isabelle Raboud-Schüle. Las chanzuns vegnian era empraisas a scola e la tradiziun da chors saja gronda a Friburg.
RR actualitad 12:00