Siglir tar il cuntegn

Header

audio
La polizia sto proteger vignas en il Vallais
Or da Actualitad dals 08.10.2021.
laschar ir. Durada: 02:51 minutas.
cuntegn

HelveCHia Polizia protegia vignas en il Vallais

En il Vallais datti quest onn 30% damain ivas. Culpa è la trid’aura. Quella ha procurà per malsognas chaschunadas da bulieus tar las ivas. Perquai che viticulturs ston quintar cun ina gronda perdita da racolta, tem’ins enguladitschs.

Tar las apricosas e las spargias saja quai gia capità quest onn: racolta è vegnida engulada. Perquai han ins decidì a Chamoson e Vétroz da serrar las vignas durant la racolta e metter quellas sut protecziun da la polizia. Quella controlla tgi che po ir sin las vignas e tgi betg. Era il primsergent da la vischnanca è oravant tut la notg sin patruglia. Cun ina camera termica observescha quel las vignas. Quest onn saja il ristg ch'i vegn engulà pli grond che auters onns, ha ditg il president da la vischnanca da Chamoson, Claude Crittin envers SRF. Numnadamain datti parcellas ch'èn pertutgadas fermamain da perdita da racolta e daspera talas che n'èn betg pertutgadas.

Cun quai che la differenza da vigna a vigna è quest onn uschè gronda co anc mai, è il ristg era pli grond ch'i vegn engulà.
Autur: Claude Crittin president da vischnanca da Chamoson

Tant pli tragic saja quai per viticulturs e viticulturas sche las paucas ivas che restan, vegnan anc enguladas. Dentant dal tut pon ins betg evitar ils enguladitschs cunquai ch'il territori è nunsurvesaivel. Sin 6'000 parcellas cultiveschan numnadamain 1'000 viticulturas e viticulturs ivas. Perquai studegian ussa singuls d'installar cameras per segirar almain las paucas ivas che restan per la racolta.

RTR actualitad 12:00

Artitgels legids il pli savens

Scrollar a sanestra Scrollar a dretga