-
Bild 1 von 5. La scheffa Jolanda Egli. Bildquelle: RTR, Lukas Quinter.
-
Bild 2 von 5. L'iracaisa Pinar na lascha betg sa disturbar. Bildquelle: RTR, Lukas Quinter.
-
Bild 3 von 5. Quai fa gust da pruvar. Bildquelle: RTR, Lukas Quinter.
-
Bild 4 von 5. La lavur stentusa surprenda ina maschina. Bildquelle: RTR, Lukas Quinter.
-
Bild 5 von 5. Sa concentrar ed stampar. Bildquelle: RTR, Lukas Quinter.
Cura ch'ins entra la pasternaria da Nadal da Jolanda Egli vegn in'odur grondiusa encunter. I savura d'ina maschaida tranter pasta cotga, pischada, zutger e farina. Insatge che lascha surstar: Igl è fitg ruassaivel, malgrà che 5 dunnas da mintga vegliadetgna èn plain concentraziun vid far pastizarias da Nadal. Ina stampa ora «Spitzbüeblis», durant ch'in'autra zulla ora la pasta dultscha. Entamez stat Jolanda Egli che ha la survista e gida nua ch'i dovra en quest mument agid. Las curunas sper il furn chaud èn emplenidas cun tuttas sorts da «creflis», «mams», «tustgets» u «biscuits». Fin la fin da Nadal vegnan las dunnas ad avair producì 250 kilos da pastizaria per ina clientella da radund 1'000 persunas.
Mintgina lavura cun premura
Las dunnas che lavuran en la pasternaria n'han betg fatg in emprendissadi da pasterner – e quai na dovri era betg. Mintgin fa sia lavur cun premura e passiun. Ina collavuratura è Pinar. Ella vegn da l'Irac. Dapi 10 onns lavura ella en la pasternaria. A l'entschatta anc sco fugitiva e cun paucas conuschientschas dal linguatg. En curt temp aveva ella cun gronda motivaziun emprendì ils impurtants puncts dal fatg. Oz è ella quasi sezza inventar e betg pli da patratgar davent.
Far pastizaria dovra temp
Per Jolanda Egli èsi impurtant ch'ins prenda temp. Mo uschia gartegian las dultscharias propi. «I sto far tschaffen da mirar sin els», di Jolanda Egli durant decorar ils «Spitzbüeblis» cun pulvra da zutger. Tras quai lavuran ellas durant il temp d'advent betg mo la damaun, mabain era il suentermezdi.
RR actualitad 11:00