-
Bild 1 von 6. Entant èn 700 Velos publics per las vias da Berna. I duain dentant daventar 2'400. Bildquelle: RTR / F.Caduff.
-
Bild 2 von 6. Ils Velos ed e-bikes vegnan tgirads tranter auter da persunas senza lavur e persunas che tschertgan asil. Bildquelle: RTR / F.Caduff.
-
Bild 3 von 6. Tim Basler:. manader da gestiun dal sistem dals velos publics tar il center da cumpetenza da lavur a Berna. Bildquelle: RTR / F.Caduff.
-
Bild 4 von 6. La gronda part da la lavur è dasper pitschnas reparaturas en garascha, da chargiar las battarias dals e-bikes e da scumparter ils velos tras l'entira citad. Bildquelle: RTR / F.Caduff.
-
Bild 5 von 6. Ils velos pon vegnir debloccads cun agid dad ina app... Bildquelle: RTR / F.Caduff.
-
Bild 6 von 6. ...quella fa era statistica davart ils viadis ed ils custs. Bildquelle: RTR / F.Caduff.
En la garascha dals velos ed e-bikes lavuran dasper ils experts er persunas dischoccupadas e persunas che tschertgan asil. En tut guardan 27 persunas ch'ils velos funcziunan. Dentant ston ils velos era mintga di vegnir scumpartids sin tut las staziuns da nov, uschè ils velos èn disponibels dapertut. Ed era ils accus dals e-bikes ston vegnir chargiads regularmain, declera Tim Basler, il manader da gestiun dal sistem dals velos publics tar il center da cumpetenza da lavur a Berna.
Dentant na datti per il mument betg grondas reparaturas. Il sistem funcziuna bain ed era vandalissem n'haja entant betg dà grond. Mintgatant emprova in u l’auter da debloccar il velo cun violenza. Dentant na funcziuna il velo lura betg, causa ch'il sistem sto vegnir debloccà a trais differents lieus. Dentant èn avant curt vegnidas tagliadas si las rodas dad 8 velos.
Cumenzà cun success
Cun ina app po il velo vegnir debloccà. La app fa era la statistica nua ch’ins è stà cun il velo, quant ditg e quant che il viadi ha custi. In abunament da l’onn custa tranter 200 e 400 francs. Dentant po era mintga viadi vegnir pajà singul. La finamira da «Publibike» è da reducir il traffic en la citad di il schef Bruno Rohner. Entant vegnan fatgs mintga di passa 1'100 viadis cun ils velos publics. Ina buna cifra per l'entschatta, di Rohner. Dentant duai quella anc crescher fitg.
RR actualitad 12:00