Siglir tar il cuntegn

Header

video
«Hommage 2021» - Pionieras svizras survegnan visibilitad
Or da RTR Social dals 13.08.2021.
laschar ir
cuntegn

Hommage 2021 Pionieras svizras survegnan visibilitad

Per onurar quellas che han cumbattì per il dretg da vuschar da las dunnas datti da vesair anc enfin ils 13 d'avust in spectacul da multimedia sin la Chasa federala. La projecziun maina tras l’istorgia da vuschar ed eleger da las dunnas. Plinavant pon ins vesair pionieras ord tut las spartas: sco da la politica, la cultura u il sport. L’istorgia da dunnas e da las dunnas n’ha betg survegnì plazza en l’istorgia. Cun il project vul ins far attent sin quai e dar a las dunnas il spazi ed oravant tut onurar las pionieras. Il spectacul ha lieu a chaschun dal giubileum da 50 onns dal dretg da vuschar da las dunnas.

Legenda: A chaschun dal giubileum “50 onns dretg da vuschar da las dunnas” vegn l’istorgia da las dunnas projectada sin la Chasa federala. Keystone

Per realisar il project han collavurà persunas ord tut ils chantuns da la Svizra. Uschia èn vegnidas purtretadas dunnas da mintga chantun. Sper il spectacul datti era in exposiziun tras las giassas da Berna. Ins vul dar visibilitad a l'istorgia da las dunnas e lur cumbat per ils dretgs.

Legenda: Part da l’omagi 2021 fa era in exposiziun en la Herren- e Münstergasse sco era sin il Münsterplatz. I èn ils purtrets da 52 pionieras dals ultims 100 onns. Keystone
audio
HelveCHia: Hommage 2021 - 50 onns dretg da vuschar da las dunnas
03:21 min, Actualitad dals 12.08.2021.
laschar ir. Durada: 03:21 minutas.

RTR actualitad 12:00

Artitgels legids il pli savens

Scrollar a sanestra Scrollar a dretga