-
Bild 1 von 10. Sin ina paraid en il Museum alpin a Berna po mintgin dir tge ch'el pensa dal luf. Bildquelle: RTR, Fabia Caduff.
-
Bild 2 von 10. Bun u nausch? Bildquelle: RTR, Fabia Caduff.
-
Bild 3 von 10. Segir u malsegir? Bildquelle: RTR, Fabia Caduff.
-
Bild 4 von 10. Bainvegnì u betg? Bildquelle: RTR, Fabia Caduff.
-
Bild 5 von 10. Ami u inimi? Bildquelle: RTR, Fabia Caduff.
-
Bild 6 von 10. Bel u trid? Bildquelle: RTR, Fabia Caduff.
-
Bild 7 von 10. Agressiv u charin? Bildquelle: RTR, Fabia Caduff.
-
Bild 8 von 10. Fidaivel u nunfidaivel? Bildquelle: RTR, Fabia Caduff.
-
Bild 9 von 10. Pro u contra? Bildquelle: RTR, Fabia Caduff.
-
Bild 10 von 10. Privlus u betg privlus? Bildquelle: RTR, Fabia Caduff.
Tenor il curatur dal Museum alpin a Berna, Beat Häuchler, vegn il luf tractà dad in extrem a l’auter. Dentant giaja tut quai tranteren a perder. Il luf haja bler dapli fatschas che mo bun u nausch, pro e contra. A l’exposiziun ves’ins sco las datas dals lufs vegnan ramassadas e valitadas. Igl è d'udir l’istorgia da la persuna ch’analisescha ils gens dals fastizs dals lufs u quella da la dunna ch’empagliescha l’animal da rapina. Dentant èsi era da vesair e da badar sco che la tematica enturn il luf variescha tranter citad e champagna.
Tar il luf vegnian ensemen bleras tematicas ch’occupeschan era en auters lieus, sco per exempel il ramassar datas u las differenzas tranter citad e pajais. Dentant era la tematica da l’immigraziun: Quants lufs datti en Svizra? E quants vulain nus insumma? Avain nus tema da l’enconuschent? Co vegn el a midar noss mintgadi?
En sasez n'è quest betg in'exposiziun dal luf mabain in spievel da nossa societad.
La finamira da l’exposiziun saja ch'ils visitaders possian sa far in'atgna opiniuna davart il luf. Quai cun udir ils arguments pro e contra, però era tut las posiziuns u las istorgias tranteren. Sin ina paraid en il museum èsi pussaivel da s'exprimer davart il luf. En egl datti ch'ils blers han fatg in cor enturn il luf. Mo paucs èn tranteren u tar il luf ch’è stritga tras. Era qua manegia il curatur Beat Häuchler che quai saja ina differenza tranter citad e champagna. Fiss l’exposiziun en il Grischun u en il Vallais guardass la paraid probabel or auter.
Otg differentas istorgias èn dad udir a l’exposiziun. Quellas vegnan per gronda part dal Grischun u dal Vallais. Suttvart in per exempels or da l'exposiziun:
Differentas vistas sin il luf
RR actualitad 12:00