Bildergalerie
-
Bild 1 von 6. La ccontristezza per Marco Borradori è gronda. Bildquelle: Keystone.
-
Bild 2 von 6. Dapi la mort dal president da la citad da Lugano èn bleras e blers vegnids a pigliar cumià. Bildquelle: Keystone.
-
Bild 3 von 6. Al funeral en il stadion da ballapé a Lugano eran tenor RSI 7500 persunas. Bildquelle: Keystone.
-
Bild 4 von 6. Era il Cusseglier federal Ignazio Cassis era al funeral ed ha tegnì in pled. Bildquelle: Keystone.
-
Bild 5 von 6. Avant il funeral ha gì lieu in cortegi tras Lugano. Bildquelle: Keystone.
-
Bild 6 von 6. Marco Borradori era ina persunas datiers a la populaziun quai che declera la gronda commemoraziun. Bildquelle: Keystone.
Durant ir a currer ha il cor da Marco Borradori smess da batter. Ils organs han gì gronds donns, oravant tut il sistem da la gnerva central è vegni donnegià. Per las Tessinaisas ed ils Tessinais era la novitad da sia mort surprendenta. Tant pli gronda è la tristezza. Dal grond cordoli che la mort ha chaschunà è era la redactura dal radio da la svizra taliana RSI Amanda Pfändler surstada. En la citad vegnan purtadas fluras e chandailas, sin raits socialas purtrets da Borradori ed en las gasettas eran bundant 200 annunzias da mort. Insatge uschè n'haja ella anc mai vis en il Tessin, di Pfändler. Tenor ella haja quai da far cun il carisma da Borradori. El eria in ch'ins scheva ch'el enconuschia las abitantas ed abitants cun num, adina dad avair per in discurs e fitg datiers a la populaziun.
El è naschi ils 6 da fanadur 1959. Avant la carriera politica ha el lavurà sco advocat e notar. Il 1991 è el vegni elegì per la partida Lega en il Cussegl Naziunal ed il 1992 è el vegni elegì en il cussegl communal da Lugano. Dal 1995 enfin il 2013 è el stà el cusseglier guvernativ da Lugano e suenter president da la citad da Lugano.
Il funeral da Marco Borradori ha lieu mardi. A las 9.30 datti in cortegi davent dal sez da la Lega dei Ticinesi en la Via Monte Boglia. La fin dal cortegi è en il stadion da ballape Cornaredo nua che il funeral cumenza a las 10.00. Tranter auter tegna il Cusseglier federal tessinais Ignazio Cassis in pled al funeral. Il medem di vegn introducì in di da commemoraziun uffizial e perquai restan l’administraziun ed ils servetschs da la citad da Lugano serrads. Plinavant è vegni endrizzada sur fin d’emna ina chombra sepulcrala nua che la populaziun po pigliar cumià da Marco Borradori.