Tgi che vul, po purtar sez sia tschavera, i na dat nagin alcohol e café ed aua èn gratuit. Quai plascha a Ruth. Ella ha dus uffants che van a scola ed è dapi plirs onns senza lavur. «Dapertut nua che ti vas dovras ti la bursa. Ti na pos ir nagliur. E qua na dovras ti nagina bursa e quai ma plascha.»
-
Bild 1 von 4. Ils osps dastgan laschar ora in café gratuit. Bildquelle: SRF/Priska Dellberg .
-
Bild 2 von 4. En il bistro "Zum runden Dreieck" èn tuts bainvegnì. Bildquelle: SRF/Priska Dellberg.
-
Bild 3 von 4. Las duas soras da l'Afganistan guaudan il contact cun auters en il bistro. Bildquelle: SRF/Priska Dellberg.
-
Bild 4 von 4. Margareta Schmid en discurs cun in um che vul gidar en il bistro. Bildquelle: SRF/Priska Dellberg.
Manar ensemen persunas
Dapi dus mais datti il bistro che avra sias portas trais, quatter dis mintg'emna. Manads vegn el da voluntaris sco Margareta Schmid. Ella sesa ella suprastanza da l'uniun che stat davos il bistro e che sa finanziescha unicamain tras las contribuziuns da ses commembers. L'idea saja d'offrir in lieu da sentupada per quels a l’ur da la societad.
La finamira è da manar ensemen las persunas, ensemen vid ina maisa. Cunzunt era persunas ch’èn persulas e che n’han betg uschè blers daners. Ch’els han in lieu d’inscunter.
Bleras persunas vivan en situaziun precara
Quantas dunnas ed umens che vivian el Vallais Sura a l'ur da la societad na sa l'uniun betg. Quai ch'ins sa è che varga 500 persunas èn il mument sin la tschertga d'ina lavur. Vitiers vegnian dunnas ed umens che stoppian sa cuntentar cun lavurs tscha e là, quels ch'èn dischoccupads ed èn crudai or dal sistem da schurnadas, che ston viver dad ina renta mediocra ni ch’èn amez ina procedura d'asil. Gist sco las duas soras Nasrem e Socra da l’Afganistan.
Nus essan fitg cuntentas cun quai lieu. Nus essan tuts ensemen e tschantschain e magliain. Nus pudain era purtar da magliar e parter quel cun auters. Quai è era bun per nus per emprender la lingua.
Nagin squitsch
Durant mezdi s’emplaina il bistro. La saira saja quai auter, di Margareta Schmid. Ella crai ch'i dovria qua el Vallais Sura anc adina in grond sforz per las persunas da visitar il bistro. Plinavant na saja quai era betg simpel da cuntanscher las persunas che duessan profitar da quai lieu d'inscunter. «Nus na vulain betg far da mamma e dar buns cussegls. Nus essan qua sche insatgi vul tschantschar. Mo ina persuna po era vegnir e dir nagut, leger la gasetta ni far in gieu. I na dat nagin squitsch.»
L'uniun è dentant persvasa ch'il bistro «Zum runden Dreieck» è vairamain in basegn. Era quels carstgauns dovrian in lieu ordaifer las atgnas quatter paraids, in lieu da sentupada.
RR actualitad 11:00