Siglir tar il cuntegn

Header

Video
Omagi a la lavur a maun
Or da RTR Social dals 24.10.2019.
laschar ir
cuntegn

Museum Alpin Berna Las ed ils «che fan»

Tge vul quai dir da viver da la lavur a maun? A quella dumonda sa deditgescha la nova exposiziun dal Museum Alpin a Berna. Ord las localitads dal museum è daventà in lavuratori. Mastergns sco taglia schlondas, tessunza u construider da gìas survegnan ina plattafurma. Durant l'exposiziun pon ins per exempel guardar co Eva Gredig da la Val Stussavgia fa schlondas.

Cun far part a l'exposiziun vul ella sensibilisar la glieud pli fitg per la materia dal lain. Er Hansruedi Hösli che construescha gìas vul mussar che tut las lavurs na pon betg vegnir fatgas da maschinas. Mintga gìa dovria insatge auter di l'um pensiunà – dentant anc adina passiunà per la construcziun da l’instrument.

Per la curatura da l'exposiziun, Barbara Keller, èsi dentant era impurtant ch'ils visitaders e las visitadras sa dumondan l'atgna rolla. Vul dir; pertge custa rauba fatga a maun dapli e tge vul quai dir da cumprar da quellas. Era la rolla tranter chau e mauns en nossa societad vul l'exposiziun prender sut la marella.

RR actualitad 12:15