Visitaders duain daventar expositurs – quai vul il Museum alpin cun sia exposiziun davart l'ir cun skis en Svizra. Uschia han trais frars dal Haslital en il Oberland Bernais purtà ils skis ch’els han funcziunà enturn cun trais liadiras per ir ensemen cun ils skis – davant il vegl e davos il giuven. Els avevan avunda da la quietezza en lur dachasa: Els sajan giuvens e selvadis ed hajan decidì ch'els veglian ir en il showbusiness. L’exposiziun è plaina da regurdanzas da persunas da l'entira Svizra – sin e dasper la pista.
Mintgin che vul, po s’annunziar cun sia regurdanza sur la pagina d’internet, il link avra en ina nova fanestraavrir en il browser dal Museum alpin. Els n'hajan betg savì, sche l’idea chattia interess tar la glieud. Tant pli cuntent sajan els stads, cura ch'els hajan survegnì ina pluna material cun anc dapli regurdanzas, di il manader dal project Michael Fässler.
Da purtrets da radiografia, fotografias, video enfin tar dress da skis, pocals u skis antics è tut da chattar en l’exposziun. A maun dals objects vul ins raquintar l’istorgia da la cultura dad ir cun ils skis.
In che studegia precis quella cultura è il professur per culturas popularas Bernhard Tschofen. El di che tras ils skis hajan las regiuns muntagnardas chattà la colliaziun cun la moderna.
Ils skis han midà las regiuns alpinas fundamentalmain.
La cultura da skis ha midà il turissem en las muntognas, dentant era la savida davart quellas – per exempel quai che pertutga las lavinas. La cultura da skis haja influenzà la populaziun alpina marcantamain.
RTR actualitad 12:00