Nagina fusiun da las pendicularas en il Toggenburg

Ina regiun, però duas pendicularas che mainan sin pista. Quai è la situaziun en il Toggenburg. La Toggenburg Bergbahn SA e la Bergbahnen Wildhaus SA na vegnan betg perina, discurs per in'eventuala fusiun han fatg naufragi.

Skiunz da turas sin viadi ensi Bild in Lightbox öffnen.

Legenda da maletgs: En il territori da Toggenburg pon ins ir cun skis era senza pendicularas. Keystone

Cumenzà aveva tut cun la Toggenburg Bergbahnen SA che vuleva surpigliar la pendiculara vischinanta, la Bergbahnen Wildhaus SA. Quella ha dentant refusà la proposta, ord vista dal cussegl d'administraziun da la Bergbahnen Wildhaus SA sa tracti d'ina offerta ostila. Ed ils discurs fixads n'han purtà nagins resultats.

I va era per in sustegn federal

L'offerta da surpigliar la Bergbahnen Wildhaus SA ha la Toggenburg Bergbahn SA entant prolungà fin il settember 2018. Avert restan era anc daners federals ch'il chantun Son Gagl sto dar liber. Il chantun pretenda dentant da las duas pendicularas da collavurar meglier, avant ch'els survegnian ils daners da Berna.

A lunga vista pateschan era ils skiunzs

Era l'avegnir dal bigliet communabel da las duas pendicularas è intschert. Per questa e per la proxima stagiun èsi anc pussaivel da duvrar omaduas pendicularas cun in solit bigliet. Sche questa spierta resta lura vinavant, n'è uss insumma betg cler.

RR actualitad 12:00