Siglir tar il cuntegn

helveCHia Nov vocabulari en «mundart» da Son Gagl

Ina scriventa ha rimnà 3'000 pleds en il dialect da Son Gagl e fatg in vocabulari cun quels.

Purtret da l'autura che tigna ses cudesch.
Legenda: L'autura Susan Osterwalder cun ses vocabulari en dialect da Son Gagl. SRF

Il vocabulari en dialect da Son Gagl cuntegna 3'000 pleds e locuziuns. La scriventa Susan Osterwalder è stada fascinada dals pleds che na vegnan betg duvrads tant en la lingua discurrida. Quels pleds ha ella rimnà en in cudesch.

Il vocabulari è scrit en stil modern e duai cunzunt era plaschair als giuvens. Lez duessan pudair duvrar quel per emprender pleds pli vegls, che n'èn ozendi betg pli fitg populars en la lingua moderna. Ma era glieud pli veglia duai leger ils pleds e pensar: «Quai regorda mai a mia uffanza.»

La scriventa na betg la finamira che tut la Svizra daventia ussa amatura dal dialect da Son Gagl. Ella less dentant, ch'ils giuvens da Son Gagl sajan loschs da lur dialect e ch'els hajan plaschair da discurrer cun pleds tipics songagliais.

RR actualitad 11:00

Dus schatgs:

  • Chlöpe – det
  • Bibääbele – chaschunar memia bleras fadias ad insatgi