Siglir tar il cuntegn

Header

Navigaziun

Legenda: Tadlar il audio Mezdi: HelveCHia – Novitads en 8 linguas sin Diaspora-TV. Durada 02:52 minutas.
02:52 min, Actualitad dals 14.03.2019.
cuntegn

helveCHia Novitads per immigrants sin Diaspora TV

Il chanal da televisiun per immigrants emetta novitads en 8 differentas linguas cun la finamira da promover l'integraziun ed ils contacts tranter Svizzers e immigrants.

Dapi in onn datti en Svizra in chanal da novitads per migrants. Las novitads emnilas vegnan moderadas per engles, franzos, spagnol, rumen, albanais, arab, tigrinya e persian. L' iniziant da las emissiuns è Emanuel Mark Bamidele. El sco era ses collegas lavuran tuts facultativ e senza paja. Las novitads pon ins guardar sin lur pagina d'internet u era en las raits socialas.

En las emissiuns preschentan ils moderaturs temas specifics che fatschentan ils migrants. Quai èn temas sco rassissem, lavur, sanadad ed oravant tut integraziun. Cun las novitads en differentas linguas vulan els cuntanscher migrants e motivar els da s'integrar meglier.

Promover l'integraziun e tgirar ils contact tranter Svizzers ed immigrants è in'incumbensa impurtanta. Problematic per quellas emissiuns èn dentant ils custs. Ils moderaturs ed ils umens da camera e tagl fan quai mumentan tut gratuit. Cun dapli daners pudess il chanal da novitads Diaspora TV vegnir pli gronds e populars. Fin uss sto l'emettur dentant vegnir ora senza sustegn finanzial dal stadi u dad instituziuns.

RR actualitad 11:00