Premiera en Svizra - Ina vischnanca per persunas dementas

Sin l’abitadi sa chatta era ina plazza da vischnanca ed ina butia. Finamira è da pudair dar a persunas dementas in dachasa cun uschè bleras libertads sco pussaivel. Envers l’emissiun da televisiun SRF «Schweiz Aktuell» ha il directur dal manaschi Urs Lüthi ditg «Abitantas ed abitants duain pudair sa mover en in rom protegì.» Cunquai che persunas cun demenza han difficultads cun l’orientaziun sa chattan enturn l'areal paraids cun fanestras e giatters, quels duain proteger las persunas dad ir a perder. Uschia mainan ils ascensurs las persunas era automaticamain en lur stanza e las portas avran senza ch’ins sto far insatge.

Abitadi

Mintgin sia stanza en la WG

Mintga abitanta ed abitant ha sia atgna stanza. Dentant partan adina sis fin set persunas la cuschina, il bogn e la stiva. Cun agid dal persunal da manaschi duain las persunas però sez cuschinar. L’opziun dad ir a pigliar era autras chaussas datti en la butia da l'abitadi, di Lüthi invers «Schweiz Aktuell».

Cunquai che tut ils letgs èn l’abitadi èn gia occupads è planisà dad augmentar la capacitad sin 117 letgs. Persunas interessadas pudessi dar avunda, che en Svizra vivan tenor calculaziuns var 150’000 persunas cun demenza.