Siglir tar il cuntegn

Header

cuntegn

helveCHia Set candidats vulan l'anteriur sez da Karin Keller-Sutter

L'ultim onn era Keller-Sutter anc cussegliera dals chantuns. Uss sto Son Gagl eleger ses remplazzament. Dals set candidats hajan atgnamain mo trais propi schanzas.

Tenor Markus Wehrli, redactur dal schurnal regiunal Son Gagl dad SRF, hajan ils candidats da la PLD, PCD e la PPS anc schanzas. Ils quatter auters, in candidat da la Partida verda e trais candidats selvadis, sajan svamids en il cumbat electoral.

audio
Mezdi: HelveCHia – En il SG datti in grond cumbat per l'anteriur sez da KKS
ord Actualitad dals 07.03.2019.
laschar ir. Durada: 2 minutas 54 Secundas.

  • La PLD va cun Susanne Vincenz-Stauffacher en la cursa. Ella duess defender ils sez che Karin Keller-Sutter ha gì avant. Tenor Wehrli na saja ella dentant betg propi enconuschenta. Vinavant manca ad ella l'experientscha. Tranter ils candidats da las partidas è ella l'unica dunna.
  • La PCD ha elegì Beni Würth sco candidat. El ha gia blera experientscha, vegniva perfin tractà sco candidat per il Cussegl federal. Dapi l'entschatta valeva el sco favurit per remplazzar Karin Keller-Sutter. El dominescha, ensemen cun Vincenz-Stauffacher, il cumbat electoral.
  • La PPS vul far la cursa cun in candidat pli giuven: Mike Egger, 26 onns. Tenor il redactur dal schurnal regiunal haja el las ultimas emnas mussà format. El haja perfin in sumegliant potenzial sco Toni Brunner. Per Egger vegnia i dentant difficil da survegnir vuschs ordaifer da la PPS.

Spetgar sin il segund scrutini

Durant l'emprim scrutini ils 10 da mars na spetga il schurnal regiunal nagin resultat cler. Probablamain na po nagin dals candidats sa far valair. Markus Wehrli quinta, ch'il remplazzament per Karin Keller-Sutter vegnia elegì ils 19 da matg, en il segund scrutini.

RR actualitad 11:00

Artitgels legids il pli savens