Anfang Bildergalerie
Bildergalerie überspringen
-
Bild 1 von 19. Ils vaguns da festa èn pronts per il viadi da Berna a Bellinzona. Bildquelle: RTR, Adrian Camartin.
-
Bild 2 von 19. Era sin viadi è Didier Burkhalter, l'antecessur dad Ignazio Cassis. Bildquelle: RTR, Adrian Camartin.
-
Bild 3 von 19. Oz è il di dad Ignazio Cassis. Gia a la staziun da Berna vegn el festivà. Bildquelle: RTR, Adrian Camartin.
-
Bild 4 von 19. Sa chapescha ch'ina u l'autra spezialitad dal Tessin n'ha betg pudì mancar sin il viadi da Berna en il Tessin. Bildquelle: RTR, Adrian Camartin.
-
Bild 5 von 19. Bainvegni frenetic. Ils scolars dad Altdorf festiveschan Cassis sco in popstar. Bildquelle: RTR, Adrian Camartin.
-
Bild 6 von 19. Betg mo osps. Sin viadi el Tessin accumpogna era ina gruppa da schurnalists il nov cusseglier federal. Bildquelle: RTR, Adrian Camartin.
-
Bild 7 von 19. Sa chapescha ch'i tucca ozendi era vitiers da far in u l'auter selfie cun ils fans. Bildquelle: RTR, Adrian Camartin.
-
Bild 8 von 19. La musica «Malcantone in musica» fa curt'urella sin la Piazza davant la staziun a Bellinzona. Bildquelle: RTR, Adrian Camartin.
-
Bild 9 von 19. Il Grischun Aldo Bianchi è vegnì a Bellinzona per far bainvegni ad Ignazio Cassis. Bildquelle: RTR, Adrian Camartin.
-
Bild 10 von 19. La populaziun sa legra sin il nov cusseglier federal. Las bandieras èn prontas. Bildquelle: RTR, Adrian Camartin.
-
Bild 11 von 19. Tut è pront, ussa sto el be anc vegnir. Bildquelle: RTR, Adrian Camartin.
-
Bild 12 von 19. Cun bandieras svizras e tessinaisas vegn Cassis beneventà a Bellinzona. Bildquelle: RTR, Adrian Camartin.
-
Bild 13 von 19. Era a Bellinzona datti in cordial bainvegni per cusseglier federal Ignazio Cassis. Bildquelle: RTR, Adrian Camartin.
-
Bild 14 von 19. Il til festiv entschaiva. Ordavant la gruppa Tamburitmi da Bellinzona. Bildquelle: RTR, Adrian Camartin.
-
Bild 15 von 19. Il sujet da fotografar preferì dal di dad oz. Bildquelle: RTR, Adrian Camartin.
-
Bild 16 von 19. «Cassis, Cassis, Cassis!» resuna adina puspè. Bildquelle: RTR, Adrian Camartin.
-
Bild 17 von 19. Bainvegni uffizial avant il Palazzo delle Orselino, la sedia da la regenza tessinaisa. Bildquelle: RTR, Adrian Camartin.
-
Bild 18 von 19. In viva sin il cusseglier federal nov. Bildquelle: RTR, Adrian Camartin.
-
Bild 19 von 19. Per finir ina fota da gruppa. Ignazio Cassis cun ils collegas dal Parlament federal. Bildquelle: RTR, Adrian Camartin.
Ende der Bildergalerie
Zurück zum Anfang der Bildergalerie.
In tren spezial per il nov cusseglier federal sa fa oz en viadi vers il sid. Accumpagnà vegn Ignazio Cassis dal Cussegl dals chantuns e dal Cussegl naziunal. Davent da Berna va il tren vers Altdorf. Là datit in stop ed il nov cusseglier federal vegn beneventà dal chantun Uri. Suenter il stop cuntinuescha il viadi fin a Bellinzona nua ch'i dat ina gronda festa, ina ceremonia uffiziala, inscunters cun la populaziun, differents pleds ed ina buna tschaina.
Il Tessinais Ignazio Cassis è elegì sco 117avel cusseglier federal. Il medi remplazza cunquai Didier Burkhalter che sa retira la fin d'october.
Il nov elegì cusseglier federal surpiglia il Departament federal d'affars exteriurs davent dal 1. da november.
RR actualitad 12:00