-
Bild 1 von 7. Era ils differents musters dals sezs èn exponids. Sco quels da l'onn 1982. Bildquelle: Renate Meyer.
-
Bild 2 von 7. Tipic SBB:. L'ura ch'è da chattar en mintga staziun. Bildquelle: SBB AG.
-
Bild 3 von 7. Blau erani gia adina, dentant las scrittiras en pir dapli l'onn 1980 vegnidas unifitgadas. Bildquelle: RTR, Fabia Caduff.
-
Bild 4 von 7. Placats che restan en memoria hajan la SBB adina puspè gì, di il curatur da l'exposiziun Andres Janser. Bildquelle: SBB AG.
-
Bild 5 von 7. Ideas simplas dentant creativas. Bildquelle: SBB AG.
-
Bild 6 von 7. Era chaussas tipicas che han influenzà il purtret da la SBB èn da vesair a l'exposiziun. Bildquelle: SBB AG und Museum für Gestaltung Zürich.
-
Bild 7 von 7. Andres Jansen:. Il curatur da l'exposiziun che conceda dad esser in fan da las Viafiers federalas svizras. Bildquelle: RTR, Fabia Caduff.
E sin quest viadi è Andres Janser il locomotivist, u meglier ditg il curatur. Sch'el guarda enavos sin l'istorgia da design da la SBB, dat al fan da las viafiers surtut ina constanta en egl:
Ina tscherta sort dad umor è sa mantegnì tras e tras sin ils placats da las Viafiers federalas.
Uschia sa regorda Janser per exempel vi da placats cun slogans ch'èn restads en memoria enfin oz: «Der Kluge reist im Zuge» u «Gute Idee SBB».
Stop da giugar
In auter fan da trens è Heinz Peter Stucki. El construescha models da viafier. Ensemen cun auters ha el mess a disposiziun ina part da ses models per l'exposiziun. I na sajan models che mussan in ad in cuntradas svizras. Dentant hajan las cuntradas ina tscherta «swissness», declera Stucki cun mussar sin in dals models nua ch'in tren passa sur ina punt en ina cuntrada da guaud.
La decisiun da metter a disposiziun ils models n'è betg stada simpla: Uss na pudain nus betg pli lavurar e giugar a chasa cun nossas viafiers.
-
Bild 1 von 3. Ils models sa cumponan da differents moduls che vegnan da differentas persunas. Bildquelle: RTR, Fabia Caduff.
-
Bild 2 von 3. Heinz Peter Stucki. L'um pensiunà ha plaschair ch'el po mussar ses hobi en l'exposiziun a Turitg. Bildquelle: RTR, Fabia Caduff.
-
Bild 3 von 3. Ils models sumeglian a cuntradas svizras, èn dentant per gronda part cuntradas da fantasia. Bildquelle: RTR, Fabia Caduff.
I saja in dals hobis ils pli variads, defenda Stucki il giugar e lavurar cun models da viafiers. Ina u l’autra remartga stoppia el adina puspè udir. Dentant fetschia el lura reclama per in passatemp che vegnia sutvalità: Els hajan ina giada dumbrà quants mastergns ch'il construir models cumbineschia. I sajan var 50 – da l’electricist enfin tar l’ortulan.
Da mussar ils models ad in public pli grond saja ina schanza per il hobi. Els sa legrian lura dentant er puspè, cura ch'ils models sajan puspè a chasa pronts per lavurar e giugar, di Heinz Peter Stucki cun in rir.
L'exposiziun dura enfin ils 5 schaner 2020.
RR actualitad 12:00